O for O jul med di glede, eller Oppfordringar

Hurra, no er eg ferdig med førstesemesterstudier! Eg gjentek, HURRA! No kan eg skrive blogginnlegg att utan å få dårleg samvit. Det føles heilt ok, må eg seie.

Oppfordringar:

• Dersom du har Spotify, men ikkje Premium - skaff! Ver snill med musikkbransjen. Særleg når det er jul og dei jobbar ræva av seg for å loppe oss for pengar :)
• Til nynorskbrukarar: lat dykk provosere av at bokfolket, som jo tradisjonelt er våre vener, sviktar. Til og med på Norli er det ikkje mogleg å finne til-frå-lappar, berre til-fra. Eg gjer konsekvent a'ane om til å'ar. Oppfordring. Samhandling. Aksjon merkelapp.
• Ikkje sjå Christophe Honorè-filmar. Berre lat vere.
• Lag marshmellows frå botn av!
• Smil til ein framand. Dersom du ikkje veit kven du er - smil til deg sjølv.
• Les ei bok, såklart. Gjerne Forføreren av Jan Kjærstad.
• Og ha ei finfin førjulstid! :)